مسئلہ ارتداد

ایمان کب ختم ہو جاتا ہے؟

When Does Faith End?

اس مختصر بیان میں مفتی عبدالرحیم نے اس اہم شرعی اصول کو واضح کیا ہے کہ انسان کا ایمان کب ختم ہوتا ہے اور وہ کب دائرہ اسلام سے خارج ہو کر مرتد ہو جاتا ہے۔ مفتی صاحب نے وضاحت کی ہے کہ جب دین کی ضروریات میں سے ایسے امور کا انکار کیا جائے جو قطعی اور بدیہی ہوں، یعنی جن کا ثبوت اور معنی قطعی اور واضح ہو اور جن میں تاویل یا دوسری رائے کی کوئی گنجائش نہ ہو، تو ان کا انکار کرنے والا کافر اور مرتد ہو جاتا ہے۔ یہ انکار خواہ زبان سے ہو یا کسی ایسے عمل کے ذریعے ہو جو یقینی طور پر دین کے ضروریات کا منکر ہونے کی دلالت کرتا ہو۔